UNDP apoiu ITA BA PAZ
Iha fatin servisu ITA BA PAZ ninian iha Farol, Dili, iha loron 15 setembru UNDP halo kontratu servisu ho ITA BA PAZ ba periodu fulan setembru 2010 to’o Marsu 2011. UNDP fo apoiu orsamentu ho montante hamutuk USD 25,032 hodi realiza servisu iha area prevensaun konflitu no hari’i paz ninian iha distrito ha’at mak hanesan Dili, Baucau, Manufahi no Bobonaro.
Kontratu ba apoiu servisu ida ne’e asina hosi Kordendor Jeral ITA BA PAZ, Aniceto Guro-Berteni Neves no Mikiko Tanaka nudar Country Director UNDP iha Timor-Leste.
ITA BA PAZ estabelese bazeia ba dezisaun Konsellu Board HAK ninian data 29 Dezembru 2009 hodi responde ba komitmentu Asosiasaun HAK ninian iha area transformasaun konflitu no harii paz iha Timor-Leste.
Hanesan difinidu iha estatutu, ITA BA PAZ ninia vizaun mak luta ba transformasaun mentalidadi entidadi sosial juventude no artes ritual marsiais sai ativu, responsivu no partisipativu ba promove paz ne’ebe realistiku, justu no sustentabel. Realizasaun viizaun ida ne’e liuhosi hala’p misan-sira a) transforma potensia no rekursu joven ho elementu organizasaun artes & ritual marsiais hodi sai nudar ajenti ativu harii paz iha sosiedadi, b) Habelar prinsipiu no valores paz ninian ba sosiedadi liuhusi papel joven no organizasaun artes & ritual marsiais sira, no c) Hametin kooperasaun besik entre entidadi sosio politiku no kultura iha sosiedadi Timor-Leste no ho komunidadi internasional ba esforsu prevensaun konflitu no promove paz ne’ebe realistiku, justu no sustentabel.
Nune, objetivu prinsipal ITA BA PAZ nian mak mai ne’e: 1) Juven no organizasaun artes ho ritual marsiais sira sai ajenti ativu harii paz liuhusi ativu iha asaun violensia laek, 2) Joven no organzasaun artes & ritual marsiais sira adopta no habelar valores-sira violensia-laek iha pratika vida moris pesoal iha uma kain, komunidadi no nasaun laran, 3) Joven no organizasaun arte no ritual marsiais sira sai parseiru ba orgaun estadu-guvernu, sosiedadi sivil no ajenti internasional sira iha prosesu dezenvolvimentu no harii paz iha Timor-Leste.
ITA BA PAZ deklara hamrik iha data 05 fulan Maiu 2009 iha Aula Asosiasaun HAK Farol, Dili Timor-Leste. No, lidera husi lideransa no staf sira balun ne’ebe servisu iha programa transformasaun konflitu no harii paz durante ne’e iha HAK.
Atividadi espesifiku sira ne’ebe UNDP apoiu ITA BA PAZ realiza mak a) hala’o estudu no analiza ba situasaun konflitu violensia mak involve membru organizasaun arte – ritual marsiais no joven-sira iha komunidadi, halo mediasaun hodi prevene ba konflitu violensia, hala’o edukasaun konaba paz ba membru-sira organizasaun arte no ritual marsiais sira, autoridadi komunitaria, hala’o sosializasaun ba Lei Pratika Arte Marsiais tuir Lei No: 10 tinan 2008.
Vision Kria estrutura no transforma mentalidade entidadi social juventude no artes ritual marsiais nebe ativo, responsive no partisipativu promove paz nebe realistiku, justu no sustentavel.
Mission
A) Transforma potensia no rekursu joven ho elementu organizasaun artes & ritual marsiais hodi sai nudar ajente ativu hari’i paz iha sosiadadi.
B) Habelar prinsipiu no valores paz ninian ba sosiadadi liu hosi papel joven no organizasaun artes & ritual marsiais sira.
C) Hametin kooperasaun besik entre entidade sosio politiku no kulktura.
Program
Programa Estudu Páz & Transformasaun Sosial
“ITA BA PÁZ”
Assesmentu no Aniliza ba Konflitu no Violensia
Hakbiit Dialogu, Negosiasaun no Mediasaun
Treinamentu iha Area Transformasaun Konflitu no Hari’i Paz
Fasilitador FESTIL
Publikasaun no Kampanha Paz
The Work Program
- Working With Artemartiais